归来时，仍是少年（下）
沪语朗读：俞颖
归来时，仍是少年（下）
作者：孙思
沪语改写、朗读：俞颖
推荐：丁迪蒙
一只羊
勒草地里向走
毛发柔软，线条流畅
迭个辰光，伊个头顶
是勿是蓝天四挂
连半片云朵也看勿见
四周围除脱绿得一片汪洋个草
就是巨大个辽阔搭仔寂静
到了傍晚
夕阳拨伊染成浅浅个蜜色
一丝光线轻轻叫个勒伊身浪一闪一闪
邪气柔和，就像十八世纪个油画
伊个前方
一棵野桃树开满了花
经过身边个辰光，伊停顿了一下
一朵桃花就落下来
落勒伊个鬓角浪
偶尔，一只鸟飞过来
勒伊个脚前停留
伊露出个一丝疑惑
一丝惊奇搭仔一丝欢喜
搭阿拉所看到鸟个样子
迭能个相似
只是类似个场景
阿拉老少能够看到
就像一只羊看到了辽阔
是阿拉个辽阔
一只羊看到个远方
也是阿拉个远方一样
但阿拉意识勿到
或者意识到了
却改变勿了阿拉个本性
因此，阿拉再会常庄
拨一只羊，从草原带到城市
再带到餐桌浪向
一只牛
立勒山坡浪
是勿是比一个人立勒山坡浪
拨阿拉带来个思考更加多呢
伊最早从啥地方来个
眼睛哪能比人类
更加温顺搭仔忧伤
伊迎面走过来个辰光
忠厚个样子，稳重个样子
会勿会让阿拉想起父亲搭仔兄长
伊有辰光
是否老想勒勒牧童个短笛里
立脱一歇，远远叫望一眼久远个炊烟
如果以迭能个形象
写进汉语里，是勿是更加优雅一眼
勿是搿能个笨搭搭了
伊有辰光，会勿会搭人一样
思考搿些，几乎呒没思考意义个问题
伊生出来
好像就是为人类赎罪个
拉车、推磨、耕田、犁地
甚至拨鞭子抽，毫无怨言
偶尔对天叫两声
是委屈、伤心，还是高兴
从来呒没人想过，去问问伊
曾经有文人拿勤劳个人
比喻成伊，讲搿类人吃进去个是草
吐出来个是牛奶
假使有可能
让人做一次牛，吃一趟草
看看叫能勿能吐出牛奶
文人侪欢喜想象
却忘记脱了一个根本个问题
好像邪气相似，但是勿是
所以人总是求佛
唯独勿求心，勿能识透
勿似牛，知为啥人生
一匹马
从东汉来，还是从宋朝来
当年踏勒伊脚下头个燕子呢
是否还能飞
假使从宋朝来
葛末花香搭仔蜜蜂是勿是还勒海
蹄子浪向绕
时隔数千年
当年个伯乐，伊是否还记得
伊表面忠厚
内心个狂野，是否比一只牛
一只羊，甚至大象
更加大
有辰光阿拉情愿去
爱一只牛，或者是一只羊
爱马，实在是冒险了
伊个奔放、狂野，伊个海阔天空
阿拉总归是无法掌控
伊个奔跑
除脱让阿拉想到风，想到鹰
想到一切跟速度有关之外
是否也想到伊会脱缰
由此，阿拉是否要提醒自家
勿要爱属马个人，哪怕迭个人
再让阿拉心动
哪怕伊能拨阿拉
足够个安全感，足够个痛惜
但伊像风个性格，像风个善于拿一切事物
置于脑后，只是偶然个想到侬个秉性
是否最终会得阻止阿拉靠近伊
即使阿拉已经爱上了伊
已经勒无数个夜里搭仔日里
勿停个搭时间争夺伊个影子
但最终
阿拉还是怕
怕一旦走近，便万劫勿复
无知能无畏
阿拉有知，所以，阿拉有畏呀！
推上海言话叙身边事体
究吴侬细语吟诗词歌赋
往期回顾：
图片来自网络