表情
沪语朗读：浥薇
朗读者
表情
作者：郑自华
改写诵读：浥薇
美好个一天，从表情开始！
早浪向，打开微信，群里向就开始闹忙起来了。欸个“起床了”个表情，是一只公鸡勒嗨咯咯叫；搿个勒叫“升群旗，唱群歌”；还有露只小脸“报只到，说明我爱群”。
微信时代，表情无处不在。有了表情，微信更加闹忙。有新人入群，一只表情闪了出来：一只龙虾伸出了大钳子，“握只手”，搿就算打过招呼了，搿是一种特别个见面方式，叫人忍俊不禁，老有亲切感个。勒勒群里受到表扬，一味谦虚难免有点拨人家觉着假痴假呆，正好有只表情，一个小囡拿两只手捂好仔面孔，一脸孔个难为情样子，边浪向四个字：“勿好意思”，于是所有所有个尴尬一笔勾销。群里通过一项动议，让大家拍砖，只看见碗里只鸡脚爪，伸出了两只鸡脚爪作为胜利个动作“耶”，更加妙个是，两只鸡脚爪还会得动唻。天气交关热，有人发了只表情：“防暑降温，要多喝水”，一个小姑娘，两只手捧了一只老大个铜吊，正勒勒朝嘴巴里灌水，整只画面用句网络语来讲就叫“萌萌哒”！
表情使用频率最高个是“赞”。朋友圈中，一颗红心，代表一只“赞”，简洁，呒没多余个闲话，却是态度鲜明，边浪向是点赞人个大名。去年9月，我勒勒微信里发了93岁母亲勒勒我二哥二嫂陪同下乘船去日本游览个照片，朋友圈里一片称赞声，除了收到100多只赞，还有人专门写了篇感想，讨教我母亲个养生心得，或者表示要向我母亲一样健康积极个生活。微信做过一只统计，过去个一年里，我送出1881只赞，收到6698只赞。还覅讲，收到赞，心里总归是美滋滋个。赞啊，勿仅勒勒微信里随处可见，勒勒生活中也是广泛运用个，连国家领导人侪讲要点个大大个赞。现在勒勒微信当中，除了送赞个，还有翘大拇指，配上一句上海话“侬来三”，简直叫人乐翻了天。有个表情更是别出心裁，送鲜花，送拥抱，送香吻，伊个娇艳欲滴个鲜花，伊种大大个熊抱，伊个充满诱惑力个红唇，让表情充满了喜感。
发明表情个人实在聪明，以前是一切尽在不言中，现在呢，是一切尽在表情中。让表情说话，让表情传达思想。表情产生于10多年前个QQ，到现在微信，更加是上了好几只台阶了。表情幽默、诙谐、调侃、夸张，呒没表情，少了交关热闹，少了交关风趣，也少了交关话题。表情品种繁多，使用方便，淘汰更新快，同一只“再会”，就有各种版本，要入法眼，没有一点创新还真个勿来三。因此各种表情，免费个，付费个，还有勿少达人自制个表情，形成了相互竞争个局面了。大家互相交换表情，互相收藏表情，因此表情也越来越丰富，越来越受欢迎了。
夜里向，要休息了，出现一只表情，手节头伸向开关，于是灯暗下来了。勒勒表情当中，阿拉结束一天个微信。
图片来自网络
往期回顾：
“上海言话讲起来”旨在传播沪语，若有不当之处，恳请留言指正。
感谢您的支持转发，欢迎关注本公众号